Egoiliarren 782 doako TAO txartel banatu ditu Barakaldoko Udalak kanpainaren lehen bi egunetan

04/01/2017 23:46 |0

Horri esker, txartelaren jabeek doan aparkatu ahal izango dute dagokien aldean

Barakaldoko Udalak aste honetan jarri du indarrean egoiliarren doako TAO txartela banatzeko kanpaina eta lehenengo bi egunetan 782 txartel banatu dira. Horri esker, txartelaren jabeek doan aparkatu ahal izango dute dagokien aldean.

Txartela eskuratzeko aseguruaren poliza aurkeztu behar da TAOko bulegoetara, eta polizan txartela eskatzen duten ibilgailuko gidarien izenak agertu behar dira. ¬ęKontuan izan poliza aurkeztu behar dela, eta ez, ordea, ordainagiria. Erabiltzaileetako askok ordainagiria aurkeztu du, baina agiri horrekin ez dago beharrezko egiaztapenik egiterik¬Ľ, azaldu du Barakaldoko Udaleko Hirigintza, Azpiegitura eta Udal Zerbitzuen zinegotzi Jon Andoni Uriak.

Neurri honetara gehi daitezkeen matrikula guztien zerrenda egin du Barakkaldoko Udalak, eta 22.000 matrikula dira zerbitzua balia dezaketenak, trafiko ordenantzan ezarritako betebehar guztiak betetzen baitituzte, eta horietako bat da Zirkulazio Zerga ordainduta izatea.

Datuak alderatzerakoan, iruzurrezko 1.600 txartel aurkitu dira, eta zuzenean geratu dira indarrik gabe. ¬ęIbilgailua Barakaldon erroldatu gabeko kasuak aurkitu ditugu, bai eta jabea Barakaldon erroldatu gabekoak, Zirkulazio Zerga ordaindu gabekoak edo 2.000 kilotik gorako tara zeukaten ibilgailuak ere. Araudiak ezartzen dituen betebeharrak betetzen ez zituzten txartelei baja ematea erabaki da. Kasu askotan, gainera, erroldatzeak ere faltsututa zeuden¬Ľ, adierazi du Uriak.

Beraz, gaur egun, egoiliarren 13.000 txartel daude Barakaldon, eta horiei aste honetan egindakoak gehituko zaizkio. ¬ęGogoan izan, lehendik egoiliarren txartela daukatenek ez dutela TAOko bulegoetara joan beharrik, berehala berritu baitzaizkie¬Ľ, gaineratu du.

Bestalde, Tasa eta Prezioei buruzko Ordenantza berriak jaso du TAOko alde marroi berrirako prezioa. Beraz, hiriko alderik apartatuenetan aparkatzea izango da euro batean, egun erdiz, eta euro eta erdian, egun osoz. Hiriko merkatariek ere prezio berezia izango dute: 1,25 euro, gehienez, eguneko. ¬ęAldaketak urtean zehar jarriko dira indarrean, ezinbestekoa baita Trafiko Ordenantzaren gisako beste arautegi batzuk kontuan hartzea¬Ľ, adierazi du.

Eredu berriak beste era batera banatu ditu TAOko aldeak. Gaur egun, 11 dira guztira, eta helburua aldeen ¬ębanaketa logikoagoa¬Ľ egitea izan dela esan du Uriak.

TEMAS

Recibe nuestras newsletters en tu email

Noticias relacionadas

Lo m√°s

COMENTARIOS

©ELCORREO

Utilizamos ‚Äúcookies‚ÄĚ propias y de terceros para elaborar informaci√≥n estad√≠stica y mostrarle publicidad, contenidos y servicios personalizados a trav√©s del an√°lisis de su navegaci√≥n. Si contin√ļa navegando acepta su uso. M√°s informaci√≥n y cambio de configuraci√≥n..

x