Secciones
Servicios
Destacamos
Edición
elcorreo.com
Miércoles, 8 de febrero 2017, 23:52
Necesitas ser suscriptor para acceder a esta funcionalidad.
Compartir
Bilboko Azkuna Zentroak herritarren parte hartzea eskatu du asteburuan antolatuko duen jarduera artistiko baterako. Gutun Zuria Letren Nazioarteko Jaialdiaren hamargarren edizioan zentroan bertan ikusi ahal izango den instalazio baten abiapuntua da egitasmoa, eta Luzinterruptus kolektibo artistikoaren laguntza izango du.
Zentro bilbotarraren arduradunek jakinarazi dutenez, Gutun Zuria jaialdiaren hamargarren urteurrenaren harira, publikoari «baimen osoa» emango zaio hausnarketak parteka ditzan, artelan kolektibo bilakatuko den oroitzapenezko koaderno bat erabiliz.
Ekimenean parte hartzen dutenek koaderno bat eskatu ahal izango dute, Kulturen Atarian, Infopuntuan edo AzShopen, eta bertan euren gogoetak idatzi hitzekin, marrazkiekin edo sinboloekin, eta ondoren eta entregatu. Horrela, ostiraletik igandera, otsailaren 10etik 12ra, ahalik eta pertsona gehien bildu nahi da, adin guztietakoak, eta, gutxienez, 5.000 koaderno batu, gogoetez eta hausnarketez beteak.
Luzinterruptus kolektibo artistikoak ekarpenen bat duten oroitzapenezko koaderno guztiekin lan egingo du. Lehenik, estalperik gabe utziko dituzte, denborak eta klimatologiak orriei forma eman diezaieten, objektu inperfektu eta narriatu bihurtu arte. «Alabaina, ordurako edertasun ia eskultorikoa izango dute, eta guk indartu egingo dugu edertasun hori, orrien artean gordeko ditugun argiekin», adierazi dute Azkuna Zentroaren arduradunek.
Aterperik gabeko aldia igaro ondoren, Azkuna Zentroan jarriko dira koadernoak, argizko eta paperezko bide bat osatuz: bidean zehar ibiltzeko aukera izango da, baita koadernoetako orriei begira denbora pasa egoteko ere.
Publicidad
Publicidad
Te puede interesar
El juzgado perdona una deuda de 2,6 millones a un empresario con 10 hijos
El Norte de Castilla
Publicidad
Publicidad
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.