noticia
Txani Rodríguez

Reset

07/01/2017 00:04 |0

Gabonak bukatu dira eta mihiaren puntan bi hitz ditugu: proposamen onak

Txanpai botilak hutsik daude dagoeneko eta errutinak bere ohiko lekua aldarrikatzen du. Gabonak bukatu dira eta mihiaren puntan bi hitz ditugu: proposamen onak. Erretzeari utzi, soberan dauzkagun kilo horiek kendu, ariketa fisiko gehiago egin, ingelesa ikasi, irribarretsuagoak izan eta abar eta abar.

Gero, betiko legez, bazterrak nahasten bukatuko dugu. Hala eta guztiz ere, erronka berriak eta onerako helburuak izatea bizigarria da beti. Geure agendak estreinatu barik daude, eta orrialde zuri horietan guztietan promes bat ezkutatzen da. Olentzerok eta Errege Magoek ametsei eusten diete egun hauetan, baina guk ere, geure barnean, haur ameslari bana daramagu barnean.

Gabon zaharra magikoa dela esaten diogu geure buruari. 'Zortearen mahatsak' jaten ditugu. Askok arropa gorriak janzten dituzte; beste askok urrezko eraztunak botatzen dituzte edarira; gehienok, topa egiten dugu. Zabala da urte berriari ongi etorria emateko liturgia. Eta kohete, konfeti eta algararen artean sentimendu batek distiratzen du: itxaropenak.

Abenduaren 31n, 'reset' botoia sakatzeko aukera izango bagenu bezala jokatzen dugu. Reset eta atzean geratuko dira geure galerak, geure hankasartzeak eta lortu ez ditugun amets guztiak. Reset eta bihotzean geneuzkan zauriak sendatuko dira. Reset eta joera okerrak ezabatuko dira geure biografiatik. Ondo dakigu, dena den, urtarrilaren 1ean -egun isil eta geldi horretan-, gauzek bere horretan jarraituko dutela. Baina bezperan haurren xalotasunak gobernatzen gaitu eta etorkizuna adiskidetsua iruditzen zaigu.

Nolanahi ere, proposamen onak izan behar ditugu urte hasieran. Ondo datozkigu. Guk, gure aldetik, ahalegin guztia egingo dugu gauzak ondo joan daitezen 2017. honetan. Denboraren poderioz, ikusiko dugu nolakoak diren urte berriaren proposamenak eta asmoak. Laster jakingo dugu zein aldarte duen. Ona ala txarra, aurre egin beharko diogu bai urteari bai orain arte egin dugunari. Reset botoia sakatu: hori posible balitz! Hurrengo urtean Olentzerori eskatuko diogu. Hainbeste aurrerapenekin, nork daki.

TEMAS

Recibe nuestras newsletters en tu email

Noticias relacionadas

Lo más

COMENTARIOS

©ELCORREO

Utilizamos “cookies” propias y de terceros para elaborar información estadística y mostrarle publicidad, contenidos y servicios personalizados a través del análisis de su navegación. Si continúa navegando acepta su uso. Más información y cambio de configuración..

x