noticia
Txani Rodríguez

Gosea

17/02/2017 01:59 |0

Bizitzan zehar, geure itxura eta pertsonalitatea ez ezik, hiztegi pertsonala ere aldatzen doa

Bizitzan zehar, geure itxura eta pertsonalitatea ez ezik, hiztegi pertsonala ere aldatzen doa. Haurtzaroan, zenbait hitz nagusitzen dira geure ezpainetan: 'jolasa', 'txangoa' edo 'beldurra', besteak beste. Nerabetasunean, 'maitasuna', 'azterketa' edo 'ametsa' terminoak garrantzitsu bihurtzen dira. Heldutasunean, 'hipoteka', 'erantzukizuna' edo 'ongizatea' hitzek euren tokia aldarrikatzen dute. 'Analisi', 'pentsioa' edo 'ortua' berbek zahartzaroarekin errimatzen dute.

Denboraren poderioz, hitz batzuen esanahiak ere aldatuz doaz. Batzuek garai batean baino arruntagoak dirudite; 'gaixotasuna', esaterako. Eta beste batzuk ikaragarriagoak egiten dira urteak pasatzen diren heinean; azken multzo horretan, 'gosea' elea azpimarratu nahi dut. Txikitan, gosea zen urtebetetzeetako tarta probatzeko premia laburra. Institutuan, eguerdiko txirrina entzun baino lehen sentitzen nuen deserosotasuna. Unibertsitateko garaian, lo gelditzen baldin banintzen goizetan, ozta-ozta iristen nintzen autobus geltokira, eta, horren ondorioz, ez nuen ezta kafetxorik hartzeko paradarik ere Leioara iritsi arte. Baina gosea, benetako gosea, beste hainbat herritan kokatzen nuen nik beti. Arazo arrotza zen gosea geuretzat. Kezkagarria oso, baina arrotza.

Egun, gosea gizartean zabaldu da. 314.000 haurrek ez dute bermatuta Espainian jan beharko luketen haragi, arrain edo fruta kopurua. Euskal Autonomi Erkidegoan, nahiz eta egoera hobea izan, zenbait GKEk eta erankundek eskatu dute eskolako jantokiak udan irekita uztea, 57.000 haur pobrezia arriskuan baitaude.

Zaila egiten zait ulertzea nola ailegatu garen hona. Martín Caparrós idazle eta kazetariak argitaratutako El Hambre izeneko liburua irakurriko dut udan, gauzak hobeto ulertzeko. Momentuz, Karlos Linazasororen azken liburuko esaldi ironiko baina esanguratsu bat etorri zait burura: «Balioen krisia izugarria da, inoiz ez bezalakoa ere esango nuke. Burtsara begiratu besterik ez dago». Begi-bistakoa da bestelako hainbat interesi begiratzen geunden bitartean goseak gure hiztegi guztiak hozka egin dituela.

TEMAS

Recibe nuestras newsletters en tu email

Noticias relacionadas

Lo más

COMENTARIOS

©ELCORREO

Utilizamos “cookies” propias y de terceros para elaborar información estadística y mostrarle publicidad, contenidos y servicios personalizados a través del análisis de su navegación. Si continúa navegando acepta su uso. Más información y cambio de configuración..

x